Маны аах Тыа хаһаайыстыбата

Чочуга баһаарга сылдьыбыт элбэх оҕолоох аҕаҕа окко көмөлөстүлэр

Бүлүү улууһун Чочу нэһилиэгэр тура сылдьыбыт ойуур баһаарыгар дьаһалта эр дьоно анаан турунан үлэлээн, от үлэтэ кэнники былааҥҥа хаалбыта.

Нэһилиэк баһылыга Петр Догоюсов бүгүн  элбэх оҕолоох аҕаҕа окко көмөлөспүттэрин туһунан кэпсээтэ:

Ойуур баһаарыгар сылдьан, ыал аҕата Николай Бугуев отугар кыайан киирбэккэ сылдьыбыта. Бүгүн дьаһалта кэлэктиибэ сүбэлэһэн баран, Николай Алексеевичка отун оттоон көмөлөстүбүт.

Ол курдук, ким тыраахтарынан, ким от охсон, ким эбии оттуур сир биэрэн, уо.д.а.  кыайарбытынан көмө оҥордубут. Бүгүн үс сири охсон бүтэрдибит.

Ити курдук, эппиэттээх кэмҥэ бэйэ-бэйэҕэ көмөлөһөн, Саха сирин дьоно түмсүүлээх буоларбыт хаһааҥҥытааҕар да наада. 

Елена ПОТОЦКАЯ, «Саха сирэ» хаһыат.

1
0