Уопсастыба

Чочу оҕуруотчуттара уопут атастаһаллар

Соторутааҕыта  Бүлүү улууһун Чочу нэһилиэгинээҕи дьахтар сэбиэтэ  Ийэ сылын чэрчитинэн нэһилиэк ийэлэригэр анаан «Оҕуруотчут сүбэтэ» тэрээһини тэрийдэ.


Бу күн нэһилиэк уопуттаах оҕуруотчуттара  оҕуруот аһын олордууга уопуттарын атастастылар, сүбэ-ама биэрдилэр.

Эрдэттэн түннүккэ оҕурсуу олордон, кулун тутар 8 күнүгэр сибиэһэй оҕурсуу сиэбит Анисия Николаева бэйэтин уопутуттан үллэһиннэ.   Зинаида Петрова клубниканы олордуу кистэлэҥнэрин, буору хайдах бэлэмнииргэ туһалаах сүбэлэри биэрдэ. Зинаида  Догоюсова фиалка сибэккини хайдах көрөрү, көһөрөрү  көрдөрдө.

Бу күн оҕуруот аһын арассаадатын, сибэкки, буор атыыта буолла. «Оҕуруокка аналлаах кинигэ, сурунаал быыстапката болҕомтону тарта», — диэн нэһилиэк баһылыга Петр Догоюсов иһитиннэрдэ.

Елена ПОТОЦКАЯ, «Саха сирэ хаһыат.

Хаартыска Петр Догоюсов тиксэриитэ.

0
0
Telegram @edersaas20