Сүрүн Уопсастыба

Чкаловка хортуоппуйу парашют көмөтүнэн «тиэртилэр”

Хотугу улуустарга оҕуруот аһын, фруктаны тиэрдии кыһалҕата эмиэ күөрэйэн таҕыста. Бу күннэргэ «Күөх рейстэри» оҥоруу саҕаланна.  

Холобур, бэҕэһээ, алтынньы 12 күнүгэр, Аллайыаха улууһун Чкаловыгар —  нэһилиэк устуоруйатыгар  көмүс буукубанан суруллар  түгэн буолла.  Ол курдук, АН-2 сөмөлүөтүнэн  улуустан ыраах сытар нэһилиэккэ  оҕуруот аһын парашют көмөтүнэн «тиэртилэр”. Тоҕо итинник интэриэһинэй ньыманы таллылар.  Итиннэ билигин бөртөлүөт эрэ түһэр былаһаакката баар.  Чкалов баһылыга  Алексей Николаев иһитиннэрбитинэн,  сөмөлүөттэн 900 киилэ хортуоппуйдаах 9 парашюту бырахпыттар. Сотору иккис рейс оҥоһуллара күүтүллэр. Чкалов дьоҕус сэлиэнньэ, баара-суоҕа 137 киһи олорор, 20 кэриҥэ дьиэ кэргэн буруо таһаарар.

 

edersaas.ru

 

 

1
0
Telegram @edersaas20