“Чистая вода” диэн ыраас ууну Дьокуускай куоракка тарҕатар хампаанньа үлэһиттэрин анаалыстарыгар коронавирус дьаҥа бигэргэммэтэ.
Санатан эттэххэ, муус устар 23 күнүгэр, бу хампаанньа хонтуоратын үлэһитэ коронавирус дьаҥыгар сутуллан, балыыһаҕа киирбитэ. Хампаанньа үлэтэ тохтотуллубута.
Онон бу хампаанньа атын үлэһиттэрэ эмиэ анаалыстарын туттарбыттара. Бүгүн түмүктэрэ биллибитин туһунан социальнай ситим нөҥүө биллэрдилэр.
«Анаалыстар түмүктэринэн, биир да үлэһиккэ коронавирус дьаҥа бигэргэммэтэ. Сотору иккистээн туттарыахпыт. Үлэбитин сөргүтэр былааннаахпыт» диэн суруллубут.
Ньургуйаана Иванова, “Саха сирэ” хаһыат, edersaas.ru
Хаартыска интэриниэттэн
+1
+1
+1
+1
+1
+1
+1