Бу күннэргэ «Хоту дойду норуоттарын Арктикатааҕы коллеһын» Борис Большаков диэн эдэр уол үчүгэйдик түмүктээн, диплом ылла.
Борис ыраах Аллайыаха улууһун Чокурдаах сэлиэнньэтиттэн Черскэйгэ тиийэн үөрэммитэ. Уол бу кэллиэһи уот ситимин өрөмүөннээччи электромонтер идэлээх ситиһиилээхтик бүтэрдэ.
Боря кэллиэскэ история, экология, техническэй черчение, материаловедение, омук тылын, саха тылын биридимиэттэригэр туйгун сыанаҕа үөрэммит. Итинтэн атын биридимиэттэргэ үчүгэй сыананы ылбыт. Онон кэллиэс биир бастыҥ выпускнига буолла.
Эдэр исписэлиис үлэ көһүннэҕинэ Черскэйгэ хаалан үлэлиир баҕалаах. Кини үөрэппит преподавателлэригэр, уопсай дьиэтин үлэһиттэригэр махтанар. Ыраах баар кэллиэс диэн чаҕыйбакка абитуриеннар бу үөрэх кыһатыгар туттарсалларыгар сүбэлиир.
Бэлэмнээтэ Женни Стрюкова