Чернышевскайга устудьуоннар тутар этэрээттэрэ көхтөөхтүк үлэлиир

Ааптар: 
Бөлөххө киир:

Чернышевскай бөһүөлэгэр устудьуоннар тутар этэрээттэрэ көхтөөхтүк үлэлиир диэн Мииринэй оройуонун дьаһалтатын пресс-сулууспата суруйар.

Биэс кыыс, биэс уол МРТК, Новосибирскай уо.д.а. куораттартан уонна олохтоох ыччаттар бөһүөлэги тупсарар туһугар өрө көтөҕүллэн үлэлииллэрин туһунан иһитиннэрэллэр. Уолаттар уу сүүрэр уонна көҥүлэ суох бөх тоҕуллубут сирин ыраастыыллар.  Уу сүүрэр сирин Космонавтар уулуссаларыгар ыраастаан бүтэрбиттэр. Билигин Гидростроителей уулуссаҕа ыраастааһын үлэтэ салҕанар. Дзержинскэй уулуссатыгар уонна да атын сирдэргэ хаалбыт сирдэргэ көҥүлэ суох тоҕуллубут бөҕү-саҕы ыраастаабыттар.

Кыргыттар бөһүөлэк киин болуоссатын, оҕо былаһааккаларын өрө тардаллар, сибэккилэри көрөллөр-харайаллар, уулусса күрүөтүн кырааскалыыллар.
—Ыччаттар олус кыһаллан үлэлииллэр. Тутар этэрээт өссө социальнай хайысхалаах. Эдэр дьон көмөтүнэн бөһүөлэкпит тупсар, киэркэйэр, — диэн этэр Чернышевскай бөһүөлэгин баһылыга Людмила Трофимова.

Кини бөһүөлэк тутар этэрээттэр көмөлөрүгэр наадыйарын, оройуон дьаһалтата ону өйдөөн устудьуоннары ыыппытыгар махтанар.

+1
0
+1
0
+1
0
+1
0
+1
0
+1
0
+1
0