Аччыгый уонна орто биисинэһи өйүүр аналлаах бырагырааманы туһанааччы элбээбит. От ыйын 23 күнүнээҕи туругунан, дойду үрдүнэн тустаах бырагыраамалар көмөлөрүнэн 520 млрд солк. кирэдьиит быһыытынан ыларга сөбүлэһии түһэрсиллибит.
РФ экэниэмикэни сайыннарыыга миниистирэ Максим Решетников: «Кириисиһи утары уопсайа түөрт бырагыраама үлэлиир. Итилэр чэрчилэринэн, дойду үрдүнэн 520 млрд солк. суумалаах кирэдьиит бэрилиннэ. Итинтэн 450 млрд солк. биисинэс салааларыгар үлэлээччилэр ыллылар. Бырагыраамалар көдьүүстээхтэрин итэҕэттилэр. РФ Киин баана от ыйыгар сүрүн ставка бырыһыанын түһэрэн биисинэһинэн дьарыктанааччыларга улахан көмөнү оҥордо», — диэн санаатын үллэстибит.
Холобур, анал бырагырааманан Оренбурга тыа хаһаайыстыбатынан дьарыктанар тэрилтэ 110 мөл солк. 8,5 %-ҥа ылан, сааскы ыһыыга сиэмэни, уоҕурдууну уонна уматыгы атыылаһыыга туһаммыт.
Хаартыска — ТАСС