Михаил Мишустин туох туһунан уураахха илии баттаата? Бу уураах кимнээххэ көмөлөһүөҕэй?
Бырабыыталыстыба “Бастакы аптамабыыл” уонна” Дьиэ кэргэн массыыната” чэпчэтиилээх кирэдьиити биэриини 2023 сыл бүтүөр диэри уһатта. Маннык уурааҕы Бырабыыталыстыба Бэрэссэдээтэлэ Михаил Мишустин бигэргэттэ.
Чэпчэтиинэн уруккутун курдук, Арассыыйаҕа оҥоһуллубут массыынаны атыылаһааччылар туһаныахтара.
Сайын Бырабыыталыстыба бу бырагыраамалар дьайыыларын кэҥэппитэ. Билигин 10 бырыһыаннаах чэпчэтиинэн биир да оҕолоох ыаллар, мэдиссиинэ үлэһиттэрэ, ону тэҥэ эргэ аптамабыылларын бастакы усунуостарын суотугар туттарбыттар туһаныахтарын сөп. Маныаха Уһук Илин олохтоохторугар саҥа массыына сыанатыттан 25 % чэпчэтии көрүллэр.
Ону тэҥэ, кирэдьииккэ 1 мөлүйүөнтэн 1,5 мөл диэри сыанаҕа ылыахха сөп.
Михаил Мишустин маны сэргэ “Свое дело”, “Российский тягач” уонна “Льготный лизинг” бырагыраамалары уһатар туһунан уураахха илии баттаата.
Кэлэр сылга массыынаны атыылаһыыга чэпчэтиилээх кирэдьиити биэриигэ 8,87 млрд солк., чэпчэтиилээх лизиҥҥэ – 3,84 млрд солкуобай көрүллүөҕэ.
РФ Бырабыыталыстыбатын саайтыттан
Бэлэмнээтэ Женни Стрюкова
Хаартыска: finansio.ru