Чэпчэтиилээх ипотека 9%-ҥа диэри намтыан сөп

Бөлөххө киир:

Бэрэсидьиэн Владимир Путин чэпчэтиилээх ипотека бырыһыанын 12-тэн 9%-ҥа диэри түһэрэргэ этии киллэрдэ.

Дьон дьиэни атыылаһалларыгар табыгастаах буоллун диэн, ону тэҥэ, тутуу эйгэтигэр көмөлөһөр сыалтан, чэпчэтиилээх ипотека сыллааҕы бырыһыанын 9%-ҥа диэри түһэриэххэ диэн этии киллэрэбин. Чахчы, соторутааҕыта эрэ чэпчэтиилээх ипотеканы 12%-ҥа диэри түһэрбиппит, ол эрээри, уопсайынан, балаһыанньа куһаҕана суох, онон бырыһыаны өссө түһэрэргэ кыах биэрэр. Ону тэҥэ, бу чэпчэтиилээх ипотечнай бырагыраама болдьоҕун бу сыл бүтүөр диэри уһатыахха наада, — диэн кини бырабыыталыстыба мунньаҕар эттэ.

Экэниэмикэҕэ төһө да уустук балаһыанньа үөскээтэр, чэпчэтиилээх ипотечнай бырагыраамалары (ол иһигэр, дьиэ кэргэн ипотекатын) оннунан хааллардылар, ону ааһан, бу сыалга туһаныллар федеральнай үп кээмэйин улаатыннардылар диэн ТАСС суруйар.

Ангелина Васильева, “Саха сирэ” хаһыат, edersaas.ru

Хаартыска: объясняем.рф

+1
0
+1
0
+1
0
+1
0
+1
0
+1
0
+1
0