Сүрүн Тырааныспар

Чэпчэтиилээх билиэт атыыга таҕыста

Чэпчэтиилээх билиэт бүгүҥҥүттэн, ахсынньы 29 күнүттэн, атыыга таҕыста.

Росавиация 2022 сылга  субсидиялаах көтүүнү хааччыйыахтаах авиахампаанньалар испииһэктэрин таһаарда.   Ол курдук, Уһук Илиҥҥи уокурукка саастарынан хааччаҕа суох чэпчэтиилээх көтүүнү «Алроса»  (Мииринэй – Москва, Полярнай – Москва), «Аэрофлот» (Дьокуускай – Москва),  «Ред Вингс» (Мииринэй – Санкт-Петербург,  Дьокуускай – Санкт Петербург), «Якутия» (Нерюнгри – Москва) хампаанньалар хааччыйыахтара.

Кэлэр сылга  доруобуйаларынан, саастарынан чэпчэтиини туһанар дьону  «Алроса» (Мииринэй – Анапа – Геленджик – Иркутск — Краснодар — Красноярск — Москва, Новосибирск — Санкт-Петербург – Симферополь — Сочи, ону тэҥэ, Полярнай – Краснодар – Москва – Новосибирск – Симферополь – Сочи),  «Аэрофлот» (Дьокуускай  — Москва),  «ИрАэро» (Дьокуускай — Москва), «Ред Вингс» (Дьокуускай — Екатеринбург  — Сочи), «Сибирь» (Мииринэй – Анапа  — Санкт-Петербург,  Полярнай — Москва, ону тэҥэ,  Дьокуускай – Владивосток),  «Уральские авиалинии» (Дьокуускай – Геленджик),  «Якутия» (Благовещенск – Дьокуускай, Красноярск — Дьокуускай, Нерюнгри  — Москва – Новосибирск — Симферополь, Дьокуускай – Анапа – Владивосток – Екатеринбург — Иркутск, Краснодар, Минеральные Воды – Москва –Новосибирск – Омск — Санкт-Петербург – Симферополь – Сочи — Улан-Удэ, Хабаровск — Южно-Сахалинск) таһыахтара. Чэпчэтиилээх категорияҕа  23 саастарын туола илик эдэр дьон, 55-тэн үөһээ саастаах дьахталлар, 60-тан үөһэ саастаах эр дьон, 1 группалаах инбэлииттэр хапсаллар.

Билиэттэри хайа баҕарар анал каассаттан ылыллар, пааспарга  Уһук Илиҥҥэ олорору туоһулуур прописка баар буолуохтаах.  Бүгүн 12 чаас буолуон иннинэ  Дьокуускай – Москва – Дьокуускай (Шереметьево)  хайысханан көтүүгэ билиэттэр атыыга таҕыстылар. Онтон 12 чаас кэнниттэн бары хайысхаларга билиэт атыыта саҕаланыаҕа. Дьокуускайтан Москваҕа диэри көтүү улахан дьоҥҥо 10200 солк,, оҕолорго 6250 солк. буолар.

 

 

 

0
1
Telegram @edersaas20