Чэпчэтиилээх авиабилиэттэр кэлэр сыл саҥатыттан атыыга тахсыахтара

Бөлөххө киир:

Москва, Санкт-Петербург куораттарга көтүүгэ чэпчэтиилээх билиэттэр  кэлэр сыл саҥатыгар атыыга тахсыахтара диэн “Якутия, вперед!” диэн биэриигэ Ил Дархан Айсен Николаев иһитиннэрдэ.

Санатар буоллахха, РФ  Тырааныспарга  министиэристибэтэ Дьокуускай куораты Уһук Илиннээҕи уокурукка  үлэлиир бырагыраамаҕа киллэрбэтэх.  Ил Дархан Айсен Николаев ити туһунан РФ Бэрэсидьиэнэ Владимир Путиҥҥа эппитигэр уонна туруорсубутугар, тустаах субсидияны көрөр туһунан сөптөөх быһаарыы ылылынна.

“2022 сыл саҥатыттан чэпчэтиилээх авиабилиэттэр  атыыланыахтара.  Сөптөөх үлэ ыытыллар.  Федеральнай бүддьүөттэн уокурукка  сөптөөх харчыны биэрбиттэрэ. Олору сотору тустаах куораттарга ыыталыахтара.  Сайаапканы ыыппыппыт”, – диэн Айсен Николаев быһааран биэрдэ.

+1
0
+1
0
+1
0
+1
0
+1
0
+1
0
+1
0