Чэпчэки сыаналаах куортамҥа бэриллэр кыбартыыраҕа сайаапка хомуйуохтара
Дьокуускай куоракка чэпчэки сыаналаах куортамҥа бэриллэр дьиэҕэ олоруон баҕалаахтартан эбии докумуоннары хомуйуохтара. Бу туһунан СӨ тутуутун министиэристибэтэ иһитиннэрдэ.
edersaas.ru
Бу иннинэ, 2017 сыл ахсынньы 24 күнүгэр докумуоннары хомуйбуттара. Иккис түһүмэххэ, докумуоннары тохсунньу 11 күнүгэр сарсыарда 9 чаастан киэһээ 17 чааска диэри www.e-yakutia.ru портал нөҥүө хомуйуохтара. Интэриэһиргээбит дьон докумуоннарын куоппуйаларын, ол аата сканердаммыт докумуоннарын ыытыахтаахтар.
Бырагыраамаҕа инбэлиит, биитэр ыарыһах оҕолоох ыаллар кыттыахтарын сөп. Кыттааччылар бас билэр дьиэтэ суох буолуохтаахтарын таһынан, 2002 сылтан саҕалаан федеральнай уонна өрөспүүбүлүкэтээҕи бүддьүөт көмөтүнэн олорор дьиэлэрин усулуобуйатын тупсарбатах буолуохтаахтар.
Анивера АКИМОВА, edersaas.ru