Чэпчэки кумааҕы бүппүт

Бүгүн Дьокуускайга Чернышевскай уулуссаҕа турар 66 №-дээх базаҕа дьон толору.

Сүрүннээн бурдугу, саахары атыылаһаллар. Чочунаах, луук ылаллар. Чочунаах киилэтэ 220 солкуобай буолбут. Урут устууканан сыаналыыр бэйэлэрэ, билигин ыйаан биэрэллэр.
Чэпчэки сыаналаах туалет кумааҕыта бүппүт. Субуотаҕа барытын ыллылар диир атыыһыт кыыс. Олохтоох отон диэн тоһоҕолоон бэлиэтиир буолбуттар биллэриилэригэр. Дьон ордук бытовой химияны атыылаһар. Хаһаайыстыбаннай мыыланы бары да кэриэтэ атыылаһар буолбуттар.
Ити курдук, коронавирус араллаана хас эмэ сыл тапталлан сыппыт табаары, бородууктаны улаханнык хамсатта быһыылаах.

Женни СТРЮКОВА, “Саха сирэ” хаһыат
Ааптар хаартыската.