Ыам ыйын 9 күнүгэр СТС ханаалга буойун-суруйааччы Тимофей Сметанин айымньытыгар олоҕуран Саха сиригэр уһуллубут “Егор Чээрин” киинэ телепрмьерата буолар. Киинэни киэһээ 18:20 көрдөрүөхтэрэ.
Бу киинэни ыам ыйын 5 күнүттэн эбии матырыйааллаах «Лена» уонна «Синема центр» киинэ тыйаатырдарыгар көрдөрүөхтэрэ. Эбии матырыйаалыгар Тимофей Сметанин сулууспалаабыт 284-с миномётнай полк саллааттарын, Саха сириттэн сэриигэ айаннаабыт буойуттары, сэһэн прототиптарын туһунан историческай чахчылар кэпсэниэхтэрэ.
Егор Чээрин туһунан драма Ютубка «Watch — Русское кино» ханаалга түөрт хонук иһигэр 1,7 мөлүйүөн киһи көрө охсубута, оттон билигин бу саха киинэтин 12 мөлүйүөнтэн тахса көрөөччү сэҥээрбитэ бэлиэтэнэр. Булугас өйдөөх саха снайперын туһунан киинэни Ютуб көрөөччүлэрэ олус чугастык ылынан, хайҕаан элбэҕи суруйбуттар.
Саха сирэ» хаһыат, edersaas.ru
Хаартыска sakha.gov.ru