Санатан эттэххэ, 2021 сыл Ил Дархан Айсен Николаев ыйааҕынан өрөспүүбүлүкэҕэ Чэбдигирии сылынан биллэриллибитэ. Медиакииҥҥэ ыытыллыбыт тэрээһиҥҥэ вице-премьер Ольга Балабкина, «Конгресс-центр Якутия» ГАУ салайааччыта Руслан Тимофеев кытыннылар.Ольга Балабкина: «Хас биирдии сыл бэйэтэ бэлиэлээх. Ол бэлиэ сыл соругун, ис хоһоонун туһунан этэр суолталаах. Билигин «О стратегических направлениях укрепления общественного здоровья в Республике Саха (Якутия) до 2025 года и плановый период до 2032 года» диэн ыйаах барыла уонна Чэбдигирии сылын тэрээһиннэрин былаана бэлэмнэнэ сылдьар», — диэн кэпсээтэ.
Вице-премьер Чэбдигирии сылын тэрээһиннэрэ номнуо саҕаламмыттарын туһунан эттэ. Ол курдук тохсунньуга мэдиссиинискэй тэрилтэлэр аһыллыбыттара.
Руслан Тимофеев Чэбдигирии сылын бэлиэтин туһунан: «Бэлиэ харысхалга маарынныыр. Харысхал киһини харыстыыр аналлаах«, — диэн эттэ.
Тэрээһиҥҥэ үгүс дьон онлайн киэбинэн кытынна. Ол курдук Борис Неустроев-Мандар Уус Чэбдигирии сылын бэлиэтэ Айыыһыты кытары ситимнээҕин бэлиэтээтэ.
edersaas.ru