Олунньу ый 29 күнүгэр Чаппанда нэһилиэгэр «Дьоҕур» норуот айымньытын дьиэтигэр Арассыыйаҕа Өйдөбүл уонна Албан аат, Саха сиригэр Дойдуга бэриниилээх буолуу, Ньурба улууһугар Үөрэҕирии сылыгар аналлаах Бүлүү бөлөх улуустарыгар «Кыайыы оһуокайа» Чаппанда нэһилиэгин, «Дьоҕур» НАДь, Чаппандаттан төрүттээх Дьокуускай, Ньурба куораттарга олорор биир дойдулаахтарбыт тэрийиилэринэн үрдүк тэрээһиннээхтик буолан ааста.
Оһуокай түмүгүнэн дьүүллүүр сүбэ оһуокай этээччи ис хоһоонун арыйыытынан, тылын-өһүн истэн, түһүлгэтин тула төһө киһини түмэриттэн, тутта-хапта сылдьыытыытын барытын учуоттаан туран түмүктэр маннык буоллулар:
1 бөлөх
8-14 саастарыгар диэри —
1 үрдэл – Васильева Камилла – (Ньурба, сал. Платонов В.Н.).
2 үрдэл –Николаев Эрнест -( Үөһээ Бүлүү, Мэйик сэл., сал. Чирикова Нь.В.).
3 үрдэл – Александрова Анастасия – (Ньурба, сал. Антонова А.В.)
15-18 саастарыгар диэри —
1 үрдэл – Яковлева Дина – (Үөһээ Бүлүү, сал. Хобусарова М.В.)
2 үрдэл – Егорова Ольга – (Үөһээ Бүлүү, сал. Хобусарова М.В.)
3 үрдэл – Адамова Александра – (Үөһээ Бүлүү, Мэйик сэл., сал. Чирикова Нь.В.).
2 бөлөх
19-35 саастарыгар диэри —
1 үрдэл – Слепцов Дмитрий Климентьевич (Ньурба)
2 үрдэл – Додохова Мария Александровна (Чаппанда)
3 үрдэл –Антонова Айаана Владимировна (Кундээдэ)
3 бөлөх
36-50 саастарыгар диэри —
1 үрдэл – Мойтохонова Айталина Михайловна – (Үөһээ-Бүлүү, Кэнтик сэл.)
2 үрдэл –Саввинова Туйаара Семеновна – (Нюрба)
4 бөлөх
50 саастарыттан үөһээ —
1 үрдэл – Васильева Ирина Семеновна – (Күндээдэ)
2 үрдэл –Сухаринова Валентина Егоровна – (Антоновка)
3 үрдэл – Тихонова Татьяна Трофимовна -(Сунтаар)
5 бөлөх
Сана этээччилэр —
1 үрдэл– Иудина Елена Юрьевна (Антоновка, 20 саастаах)
2 үрдэл – Чирикова Ньургуна Владимировна (Үөһээ Бүлүү, 40 саастаах)
3 үрдэл – Колесов Дмитрий Васильевич (Эбээн Бытантай, 50-тэн үөһээ)
Күрэх түмүгүнэн маннык анал ааттар олохтоннулар: «Аар Дархан этээччи» – Назаров Валерий Иванович (Чуукаар)
«Аан Дархан этээччи» – Бухолова Валентина Саввична (Чаппанда)
«Өбүгэ үгэһин утумнааччы» – Осипова Наташа (Кундээдэ)
«Түһүлгэ биһирэбилэ» – Иванов Роман Данилович (Сунтаар)
«Көмүс кылыһах» – Хобусарова Мария Владимировна (Үөһээ Бүлүү)
«Оһуокай эрэлэ» – Игнатьев Василий Николаевич (Үөһээ Бүлүү, Оҥхой сэл.)
«Уһун тыыннаах этээччи» – Степанов Александр Иванович (Өҥөлдьө)
«Бастыҥ сана этээччи» — Иудина Елена Юрьевна (Антоновка)
«Оһуокай түһүлгэтин кэскилэ» — Васильев Сахайаан (Үөһээ Бүлүү, Кэнтик сэл.)
Бу бэлиэ күн Кыайыы 75 сылын көрсө С.П.Алексеев-Боһуут аатынан орто оскуолаҕа “Сила народа” диэн виртуальнай медиа-стенд үөрүүлээх аһыллыыта ыытылынна. Манна Ньурба улууһун баһылыга Иннокентьев А.М., Чаппанда баһылыга Бухолов К.Г., оскуола дириэктэрэ Алексеев Ю.В., Дьокуускай куораттан “Арассыыйа — мин остуоруйам” паарка салайааччыта Борисов Виктор Борисович, “Айар кут” сурунаал дириэктэрэ уонна ааптара Иванов Егор Валерьевич кыттыыны ыллылар. Онтон киэһэ кулуупка “Кыайыы саламатын” ыйааһын сиэрэ-туома ыытылынна, салгыы “Норуот күүһэ” диэн Ньурба оройуонун холбоһуктаах хор кэнсиэрэ ыытылынна.
Күрэс үрдүк таһымҥа ыытыллааһыныгар үп-харчы өттүнэн өйөөбүт Дьокуускай, Ньурба куоракка олорор күндү биир дойдулаахтарбытыгар, Додохов Иван Петрович аймахтарыгар, Додохова Р.Н., Бухолов Савва Андреевич оҕолоругар, сиэннэригэр, Елегяев Дмитрий Дмитриевич оҕолоругар, аймахтарыгар, Николаева У.Д., Алексеев Прокопий Петрович оҕолоругар, Андреева Л.П., Михайлов Иван Ионович оҕолоругар, кыыһыгар Михайлова А.И., Мартынова Мария Ефимовна кыыһыгар Семенова С.Д., Тартакынов Петр Федотович кыыһыгар Петрова З.П., Алексеева Марфа Михайловнаҕа, Титигиров Василий Алексеевич оҕолоругар, сиэннэригэр, Титигирова А. Иудинов Семен Аввакумович оҕолоругар, кыыһыгар Николаева Р.С., Халанников Василий Васильевич кыыһыгар Егорова З.В., СПК (Семенов Н.Н.), Вет.участок коллективыгар, ”Алгыма” эбээлэр түмсүүлэригэр, нэһилиэк тэрилтэлэригэр, Култуура департаменыгар (Тихонова Р.М.), “Кыталык” ДК (Куличкина М.К), «Айар кут» сурунаал дириэктэригэр уонна ааптарыгар Иванов Е.В. күүс-көмө буолбуккутугар нэһилиэк дьаһалтатын, “Дьоҕур” н.а.дь. аатыттан улахан махталбытын тириэрдэбит.
Баҕарабыт күндү дьоммутугар үлэҕитигэр үрдүк ситиһиилэри, Накыын алмааһын курдук кытаанах доруобуйаны, уһун дьоллоох олоҕу, өссө да инникитин куруук маннык көмөлөһө туруохтара диэн эрэнэбит.
Чаппандаттан Е.С.Тимофеева.
Хаартыскалар — ааптар архыыбыттан.
edersaas.ru