Бүгүн Дьокуускайтан Чайыҥдатааҕы ньиэптээх сиргэ 59 олохтоох киһи үлэлии көттө. Нэһилиэнньэ үлэлээх буолуутун кэмитиэтин уонна «Анаабыр алмаастара» хампаанньа Ил Дархан дьаһалынан дьону үлэҕэ ыллылар. Бу туһунан СӨ Ил Дархана Айсен Николаев «Инстаграмыгар» иһитиннэрдэ.
«Олохтоох каадырдары — бырамыысыланнаска!
Бүгүн Саха сирин 59 олохтооҕо Чайыҥдатааҕы ньиэп хостуур сиргэ үлэлии көттүлэр. Бу саҕалааһын эрэ буолар. Билигин бу бырайыагынан «Анаабыр алмаастара», «ГазАртСтрой» уонна «Стройтрансгаз Трубопроводстрой» тэрилтэлэри кытта өрөспүүбүлүкэ олохтоохторо үлэлэнэллэрин туһугар үлэлиибит.
Быйыл Чайыҥдаҕа 270 киһини үлэнэн хааччыйар былаан баар. Үлэлиэн баҕалаахтар нэһилиэнньэ үлэлээх буолуутун кэмитиэтигэр уонна «СтройТрансНефтеГаз» тэрилтэҕэ докумуоннары ыытыаххытын сөп», — диэн Айсен Сергеевич иһитиннэрдэ.
edersaas.ru
Мария Васильева хаартыскалар.
+1
+1
+1
+1
+1
+1
+1