Саха сирин Дьарыктаах буолуу судаарыстыбаннай кэмитиэтэ иһитиннэрбитинэн, Чайыҥдатааҕы ньиэп-гаас хостуур сиргэ үлэһиттэр иккис хомуурдара бараары бэлэмнэнэ сылдьар.
edersaas.ru
Бэлиэтээн этэххэ, бастакы хомуур атырдьах ыйын 26 күнүгэр көппүтэ. Билигин бараары сылдьар үлэһиттэр Саха сирин 19 улууһуттан уонна Дьокуускай куораттан талыллан, коронавируһу сэрэтэр обсерваторга олороллор.
Быһа холоон 80-тан тахса киһи алтынньыга үлэлии барыахтаах. Дьарыктаах буолуу судаарыстыбыннай кэмитиэтин салайааччы Степан Москвитин улуус баһылыктара Чайыҥдаҕа үлэлиэн баҕалаахтары кэмитиэккэ ыыталларын туһунан иһитиннэрдэ.
Билиҥҥи туругунан, экскаватор машинистара, самосвал суоппардара, суол үлэһиттэрэ, стропальщиктар, 4-с разрядтаах болуотунньуктар, асчыттар, биэкэрдэр, 4-с разрядтаах электромонтердар уонна силиэсэрдэр наадалар. Баҕалаахтар бэйэҕит улуускут Дьарыктаах буолуу киинигэр билсиҥ.
СӨ Ил Дарханын уонна бырабыытылыстыбатын пресс-сулууспата.