Чайыҥдатааҕы ньиэп-гаас хостуур сиргэ муус устар 17 күнүгэр киирбит харантыын эрэсиимэ бүгүн, бэс ыйын 1 күнүгэр, тохтоото. Бу туһунан ыйаахха Ил Дархан Айсен Николаев илии баттаата.
Эрдэ Чайыҥдаҕа 34 баахтабай бөһүөлэк баар сиригэр харантыын тохтообута. Оттон бүгүн госпиталь уонна изолятор баар «ВЗиС 72 км АО «Стройтранснефтегаз» уонна «ВЗиС Опорная база ООО «Газпром добыча Ноябрьск» учаастактарга эрэсиим тохтоото. Онон, Чайыҥдаҕа барытыгар харантыын бүттэ.
Эпидемия утары үлэлэр, мэдиссиинискэй көмө кэнниттэн, билигин Чайыҥдаҕа балаһыанньа этэҥҥэ буолла. Баахтанан үлэлиир 10 тыһыынча киһиттэн 8 тыһыынча киһитин мантан таһаарбыттара.
edersaas.ru
+1
+1
+1
+1
+1
+1
+1