Чайыҥдаҕа госпиталь тэриллэн эрэр

Бөлөххө киир:

Ленскэй оройуонун Чайыҥда ньиэптээх, гаастаах сиригэр сууккаҕа 40-тан 60-ҥа тиийэ коронавирус дьаҥыгар сутуллубут киһини эмтиир 12 куойкалаах мобильнай госпиталь тэриллэн эрэр. Госпиталы Хабаровскайтан Таалакааҥҥа Арассыыйа ЫБММ-ын Ил-76 сөмөлүөтүнэн аҕаллылар. Бу туһунан өрөспүүбүлүкэ суһал штаба иһитиннэрэр.

Баахтабай бөһүөлэктэргэ мобильнай госпиталтан ураты өссө икки «КамАЗ» массыынаны уонна биир санитарка массыынаны аҕаллылар. Ыарыһахтарга көмө буола эбии 21 киһи кэллэ, ол иһигэр түөрт бырасс, түөрт орто медперсонал үлэһитэ уонна түөрт техперсонал үлэһитэ.

Ыам ыйын 2-3 күннэригэр Арассыыйа Ыксаллаах быһыыга-майгыга министиэристибэтин Ил-76 сөмөлүөтэ өссө мэдиссиинискэй пууну уонна быстах кэмҥэ 120 куойкалаах пууну аҕалыаҕа.

Чайыҥдаҕа билиҥҥитэ өрөспүүбүлүкэ Доруобуйа харыстабылын министиэристибэтин миэдиктэрин биригээдэтэ, «СОГАЗ Профмедицина» уонна Роспотребнадзор үлэһиттэрэ түбүгүрэллэр.

Өрөспүүбүлүкэ уонна Газпром салалтатын көрдөһүүтүнэн, баахтабай бөһүөлэктэргэ үлэлиир бэдэрээттиир тэрилтэлэр салайааччылара кэлбиттэрэ.

Санатан суруйдахха, Чайыҥдаҕа 34 баахтабай бөһүөлэк баар. Манна коронавирус дьаҥа турбутунан, муус устар 17 күнүгэр харантыын биллэрбиттэрэ.

edersaas.ru

+1
0
+1
0
+1
0
+1
0
+1
0
+1
0
+1
0