Ыам ыйын 19 күнүнээҕи туругунан, барыта 55 рейс оҥоһуллан, Чайыҥдаттан 5,5 тыһыынча киһини дойдуларыгар көтүттүлэр.
edersaas.ru
— Бүгүҥҥү күҥҥэ баахта үлэһиттэрин Чайыҥдаттан көтүтүү боппуруоһа быһаарыллан турар. “Газпром” бэдэрээттэспит оччугуй тэрилтэлэрин кытта кэпсэтии баран, хаалбыт үлэһиттэри эмиэ былааннаахтык көтүтүөхпүт. Оттон Саха сириттэн сылдьар үлэһиттэр Ленскэйгэ обсерваторга 2 нэдиэлэлээх харантыыҥҥа олоруохтара, — диэн Ил Дархан Айсен Николаев иһитиннэрдэ.
Холобур, ыам ыйын 18 күнүгэр «Стройтранснефтегаз» хампаанньа тэрийиитинэн, 3 анал рейс көппүтэ. Абакааҥҥа 2 рейсинэн 192 киһи, Таалакаан-Челябинскай-Пермь-Казань маршрутунан 88 киһини көтүппүттэрэ.
Ангелина Васильева, «Саха сирэ» хаһыат, edersaas.ru
Хаартыска: интэриниэттэн
+1
+1
+1
+1
+1
+1
+1