Ыам ыйын 9 күнүгэр үлэтин болдьоҕо бүппүт, коронавирус дьаҥар хаптарбатах, 393 үлэһит Чайыҥдаттан дьиэтигэр көттө.
edersaas.ru
Бу туһунан коронавирус дьаҥын утары охсуһар өрөспүүбүлүкэтээҕи суһал ыстаап иһитиннэрэр.
Бэҕэһээ, Чайыҥдатааҕы ньиэп-гаас баайдаах сиртэн “Стройтрансгаз” тэрийиитинэн, сөмөлүөтүнэн түөрт анал сырыы оҥоһуллубут. Онон баахтаттан үлэлиир больдохторо бүппүт 393 киһи сөмөлүөтүнэн көппүт. Ол курдук, Омскайга — 140, Улан Удэҕэ — 108, Кемерово — 82, Челябинскайга — 63 киһи.
Оттон ыам ыйын 3 күнүттэн 9 күнүгэр диэри, салгын аалынан барыта 24 рейс оҥоһуллан, 2471 киһи Чайыҥдаттан дьиэтигэр барбыт.
Ньургуйаана Иванова, “Саха сирэ” хаһыат, edersaas.ru
Хаартыска: интэриниэттэн
+1
+1
+1
+1
+1
+1
+1