Ил Дархан Айсен Николаев Арассыыйа ЫБМ салайааччыта Евгений Зиничевы кытта Чайыҥдатааҕы ньиэп-гаас хостуур сиргэ сыстыганнаах дьаҥ өрө туран, Хабаровскайтан аҕалыллыбыт министиэристибэ мобильнай госпиталын Саха сиригэр хаалларарга кэпсэттэ.
edersaas.ru
Бу туһунан бүгүн СӨ Бырабыыталыстыбатын бастакы вице-премьера Алексей Колодезников иһитиннэрдэ. Бу бары медицинскэй ирдэбилгэ эппиэттиир аныгы госпиталь ыксаллаах кэмҥэ улаханнык туһалаабыта.
Мобильнай госпиталь Чайыҥдаҕа харантыын устуллубутун кэнниттэн үлэтэ эмиэ тохтообута.
Талакааҥҥа быстах кэмҥэ туруоруллубут медицинскэй пуун сорох чааһа Дьокуускайга тиэрдилиннэ.
Чайыҥда мобильнай госпитала хомуллан, эмиэ киин куоракка аҕыллыаҕа уонна суһал ыксаллаах быһыы-майгы буолар түбэлтэлэригэр туттулуоҕа.
Алексей Колодезников СӨ пресс-сулууспатыгар иһитиннэрбитинэн, «Стройтранснефтегаз» АУо Чайыҥдаҕа мобильнай компьютернай томограбы атыылаһан аҕалан туруортарда. Медицинскэй тэрил дьон доруобуйатын көрүүгэ-истиигэ туттуллан эрэр.
Елена ПОТОЦКАЯ, «Саха сирэ» хаһыат, edersaas.ru
Хаартыска — СӨ Бырабыыталыстыбатын саайтыттан.