Ил Дархан Айсен Николаев бүгүн, ыам ыйын 2 күнүгэр, өрөспүүбүлүкэҕэ коронавирус балаһыанньатын иһитиннэрэригэр, Чайыҥдаҕа харантыын бэҕэһээҥҥиттэн тохтообутун эттэ.
—Чайыҥдаҕа бэс ыйын 1 күнүттэн харантыын тохтотуллубута. Онно билигин анаалыһын түмүгэ мөлтөх киһи суох. 6-7 киһи балыыһаҕа ситэри эмтэнэллэр. Бу дьон туттарбыт анаалыстара билиҥҥитэ үчүгэй.
Коронавирус дьаҥа туруоҕуттан, уопсайа, 8100-тэн тахса киһи Чайыҥдаттан «Якутия» авиахампаанньанан уонна «Газпром авианан» дойдуларыгар төттөрү ыытыллыбыттара. Өрөспүүбүлүкэтээҕи уонна федеральнай суһал ыстааптар, «Газпром» уонна «Стройтранснефтегаз» салалталара дьаҥы бохсууга улахан үлэни ыыттылар. Билигин онно бастайааннай үлэҕэ 2000-тан тахса киһи хаалла, — диэн эттэ.
+1
+1
+1
+1
+1
+1
+1