Өрөбүл күннэргэ Чайыҥдатааҕы ньиэп-гаас баайдаах сиргэ улахан үлэ ыытылынна.
edersaas.ru
Бу туһунан Айсен Николаев бүгүҥҥү брифинг кэмигэр кэпсээтэ.
«Газпром добыча Ноябрьск» баахтабай бөһүөлэккэ хас даҕаны киһи коронавируһунан ыалдьан, карантин биллэриллибитэ. Киирии-тахсыы бобуллан турар. Сорох ыалдьыбыт дьону “Газпром” анал рейсинэн Ноябрьскайга илдьибитэ. Хаалбыт ыарыһахтар бөһүөлэккэ эмтэнэллэр.
“Бүгүн Санкт-Петербург куораттан эми-тому тиэммит уонна быраастардаах сөмөлүөт баахтабай бөһүөлэккэ кэлэрэ күүтүллэр. Эрдэ СӨ “Роспотребнадзор” тэрилтэтин үлэһиттэрэ быраастарга көмөлөһө тиийбиттэрэ. Эмиэ бүгүн СӨ Ыксаллаах быһыы-майгы министиэристибэтин үлэһиттэрэ уонна Доруобуйа харыстабылын министиэристибэтин салаатынан быраастар тиийиэхтэрэ. Ыарахан туруктаах ыарыһахтар Ямало-Ненецкэй автономнай уокурукка илдьиллиэхтэрэ», диэн Ил Дархан иһитиннэрдэ.
Ньургуйаана Иванова, “Саха сирэ” хаһыат, edersaas.ru
Хаартыска интэриниэттэн