Чаанньык кирин ол-бу химията, суодата суох, «тымныынан сууйар» судургу ньыма

Саха дьоно тымныыга итии чэйи элбэхтик иһэр үгэстээхтэр. Оттон, сатаатахха, тымныыны бэйэтин туһаныахха сөп.

edersaas.ru

Чаанньык иһигэр кир (ньоҕох, солох) хам сыстан-иҥэн олорон хаалбытын сууйар эрэйдээх, моһуоктаах буолар. Сорох кыараҕас айахтаахха  уонна туруору, хамнаабат тутаахтаахха киһи илиитэ батан да киирбэт. Итиэннэ ол-бу араас химияны туттубат ордук. Кири хоҥнорор олус судургу ньыма баар: чаанньыкка толору уу кутан, таһырдьа (куорат ыала балкоҥҥа таһаарара табыгастаах) тымныыга туруора түһэн, тоҥорон баран, дьиэҕэ киллэрэн ириэрдэххинэ – иһинээҕи кирэ бүтүннүү хоҥнон, чаанньык түгэҕэр түһэн сөҥүө. Уу кутан, дьалкыҥнатан сайҕаан эрэ кэбиһэҕин.

Василий НИКИФОРОВ, edersaas.ru