Ааспыт икки сыл устата коронавирус дьаҥа бүрүүкээбитин түмүгэр, билигин дьон чааһынай дьиэни туттуута элбээтэ. Ити кэмнэргэ Дьокуускайга элбэх чааһынай дьиэ тутуллубута биллэр. Куорат аттынааҕы учаастактарга кэтэх дьиэни тутуу күүскэ барар. Холобур, Базовай переулок 18-гар, Хатыҥ үрэхтээҕи шоссе аттынан, 32 чааһынай дьиэлээх бүтүн микрооройуону “Туймаада-строй” ХЭУо быйыл сааскыттан тутан саҕалаата. Билиҥҥи туругунан үс хостоох, саалалаах, толору хааччыллыылаах аҕыс дьиэни номнуо тута сылдьаллар. Бу дьиэлэр Германскай дэниллэр МХМ диэн ураты технологиянан тутуллаллар.
Бу туһунан “Туймаада строй” хампаанньа учаастагын начаалынньыга Борис Захаров уонна мас тутууга эппиэттээх маастар, 50-тан тахса сыл тутууга үлэлээбит уопуттаах тутааччы Гаврил Дягелев кэпсииллэрин истиэҕиҥ.
Александр ТАРАСОВ.