89-ФС №-дээх Федеральнай сокуоҥҥа олоҕуран дьиэни бас билээччи кытаанах тобоҕу (ТКО) хомуйуу-тиэйии иһин төлөбүртэн куотунуо суохтаах. Бөҕүн-сыыһын бэйэтэ тиэйэр-харайар да буоллаҕына. Маныаха кини бөҕү-сыыһы, сэбирдэҕи эҥин учаастакка уматыы баһаартан сэрэхтээх буолуу туһунан сокуону кэһиинэн буоларын өйдүөхтээх. Дьиэни бас билээччи кытаанах тобоҕу тиэйии-хомуйуу өҥөтүн төлөөһүнтэн босхоломмот.
Туһанааччы уонна эрэгийиэннээҕи оператор дуогабарга олоҕуран сыһыаннаһыылара РФ Бырабыыталыстыбатын 2016 с. сэтинньи 12 күнүнээҕи, 2011 с. ыам ыйын 6 күнүнээҕи 354 №-дээх уураахтарыгар чопчуламмыта.
Чааһынай дьиэттэн бөҕү-сыыһы тиэйиигэ дуогабары түһэрсии бас билээччи эбээһинэһигэр киирэр. Дьиэни бас билэр киһи бэйэтин туһунан чахчылары биллэриэхтээх уонна дуогабары түһэрсиигэ сайаапкатын операторга түһэриэхтээх. Итинник гымматах буоллаҕына, РФ Бырабыыталыстыбатын 2016 с. 12.11 күнүнээҕи 1156 №-дээх уурааҕын 8.17 пуунунан бөҕү тиэйии өҥөтүн оҥорууга дуогабар типовой дуогабар усулуобуйатынан түһэрсиллибит уонна эрэгийиэннээҕи оператор ыйыллыбыт дуогабары түһэрсэр туһунан иһитиннэрбитин кэннэ күүһүгэр 16-с үлэ күнүгэр киирэринэн ааҕыллар.
Дуогабары түһэрсииттэн аккаастанар табыллыбат. Сөбүлэһии суоҕа быраабы кэһиинэн ааҕыллан, административнай накаастабылы сүгүөххэ сөп. Ирдэбил суумата: дьиэни бас билээччигэ дуогабара суоҕа – 5000 солк., дуоһунастаах киһиэхэ – 50000 солк., юрсирэйгэ ыстараап – 300000 солк.
Бөҕү-сыыһы хомуйуу ньымалара: анал былаһааккаҕа туруоруллубут контейнердарга хомуйаллар; куулга хомуйуу – бөҕү полиэтиленовай пакекка, куулга мунньаллар уонна учаастактарын таһыгар уураллар, маны бөҕү тиэйэр массыына кэлэн хомуйар, салгыы тиэйэн илдьэллэр.
Хомуйуу ньыматын эрэгийиэннээҕи операторынан муниципальнай тэриллии дьаһалтатын кытта быһаараллар. Ханна бөҕү мунньуохха сөбүн дьаһалта быһаарар.
Бөҕү тиэйии төлөбүрүн кээмэйин уопсай формуланан ааҕаллар: Өҥө сыаната=олорор дьон ахсаана (бырапыыскалаахтар) * бөх норматива * тарыып.
Сиһилии тарыып, хомуйуу ньыматын эҥин туһунан олорор сиргитинэн “СӨ ОДьКХ” ГУП филиалыттан эбэтэр “Коммунтеплосбыт” филиалын учаастагыттан ыйыталаһыҥ.
“СӨ ОДьКХ” ГУП пресс-сулууспата
Хаартыска: интэриниэт