Дыгын оонньууларын сэттэ төгүллээх кыайыылааҕа Иван Белолюбскай бирииһигэр саха многоборьетыгар “Чөмпүйүөн Кубога” өрөспүүбүлүкэтээҕи турнир былаан быһыытынан атырдьах ыйын 8 — 9 күннэригэр ыытыллыаҕа.
edersaas.ru
Күрэхтэһии «Туймаада» стадиоҥҥа ыытыллара былааннанар. Бу туһунан «Спорт Якутии » суруйар.
— Күрэхтэһии туһунан балаһыанньа номнуо сөбүлэһиллэн бигэргэннэ. Тэрийээччилэр, ол иһигэр национальнай многоборье федерацията, куораттааҕы физкультура уонна спорт управлениета, Баһылай Манчаары аатынан спорт национальнай көрүҥнэрин киинэ илии баттаатылар уонна бэчээттэрин туруордулар. Турнир ыытыллыыта билигин СӨ Росспотребнадзорун управлениетыттан тутулуктаах. Анал суругу ыыппыппыт, — диэн бэлиэтээн эттэ Дьокуускай куорат физическэй культураҕа уонна спорка управлениетын начальнига Константин Бурцев.
«Чөмпүйүөн кубога» көрөөччүтэ суох ыытыллыаҕа. Күрэхтэһиигэ тренердэр, тэрийээччилэр уонна аккредитацияламмыт суруналыыстар эрэ киирэллэрэ көҥүллэнэр.
Турнирга 9 путевка оонньонуоҕа.
edersaas.ru
+1
+1
+1
+1
+1
+1
+1