Нам улуустааҕы балыыһатын Гериатрияҕа отделениетыгар, коронавирустан үтүөрбүт аҕам саастаахтар доруобуйаларын чөллөрүгэр түһэрэргэ, чэбдигирдэргэ, ахсынньы саҥатыттан мэдиссиинэ көмөтүн оҥороллор.
Стационарга уон куойка баар. Пациеннар ахсынньы саҥатыттан киирбиттэрэ. Аҕам саастаахтарга доруобуйаларын чэбдигирдинэллэригэр, сэргэхсийэллэригэр, үчүгэйдик утуйалларыгар анаан маннык тэрилиннэ диэн улуустааҕы киин балыыһа пресс-сулууспата СӨ Доруобуйа харыстабылын министиэристибэтигэр иһитиннэрэр.
—Аҕам саастаахтар, уопсайынан, дьаҥы ыараханнык аһараллар. Оттон коронавирус дьарҕарбыт ыарыыны көбүтэр, — диэн улуустааҕы киин балыыһа гериатр-бырааһа Альбина Андреевна Дмитриева бэлиэтээбит. Маныаха чөлгө түһүү дьарыктара коронавирустан үтүөрбүт дьоҥҥо туһалааҕын эппит. Аҕам саастаахтар мэдиссиинэ үлэһиттэрин сүбэлэрин тутуһалларын, чэбдигирэргэ кыһаллалларын бэлиэтээбит.
+1
+1
+1
+1
+1
+1
+1