Бу күннэргэ Өймөкөөн улууһун Үчүгэй нэһилиэгэр Аҕа түмсүүтэ уонна оскуола үлэһиттэрэ Байанай күрэһин тэрийдилэр. Бу туһунан Үчүгэй нэһилиэгин олохтооҕо Наталья Громова кэпсиир:
— Тэрээһиҥҥэ Сордоҥноох, Өймөкөөн уонна Үчүгэй нэһилиэктэрин оҕолоро кыттыыны ылан, күрэхтэһии улуустааҕы таһымнанна. Бэйэни билиһиннэрии,
ойбон алларыы, кулуһун оттон, чаанньык оргутуу, өй сытыы күрэһэ, сыал ытыыта, эстафетанан сүүрүү бэрт тыҥааһыннаахтык барда.
Бары түһүмэхтэри ситиһиилээхтик ааһан, бастакы миэстэни Өймөкөөн нэһилиэгэ, иккис миэстэни Үчүгэй нэһилиэгин бастакы хамаандата уонна үһүс миэстэни Үчүгэй иккис хамаандата ыллылар. Бу курдук Чэбдигирии сылыгар нэһилиэктэргэ ыраас салгыҥҥа бэртээхэй тэрээһиннэр ыытыллаллар.
Елена ПОТОЦКАЯ.
+1
+1
+1
+1
+1
+1
+1