Култуура Маны аах

Быыстапка норильскайдар болҕомтолорун тардыаҕа (ВИДЕО)

Саха сирин норуоттарын муусукатын уонна фольклорун түмэлэ (дириэктэр Мария Корнилова) «Көһө сылдьар түмэл» бырайыагынан, бу күннэргэ Норильскай куоракка (Красноряскай) быыстапкаҕа кыттар.

Бу «Дорообо, Норильскай!» диэн сыл ахсын киэҥ далааһыннаахтык ыытыллар бэстибээл. Түһүлгэҕэ ыҥырыынан дойду араас муннуктарыттан түмэллэр кэлэн ыалдьыттыыллар, үлэлэрин-хамнастарын дьоҥҥо-сэргэҕэ билиһиннэрэллэр, көрдөрөллөр. Быйылгы тэрээһин Саха АССР 100, Арассыыйа норуоттарын култууратын үйэлээх баайын сылыгар ананна. Тэрээһин түһүлгэтигэр муусука уонна фольклор түмэлэ Саха сирин норуоттарын олохторун-дьаһахтарын, үгэстэрин, сиэрдэрин-туомнарын, култуураларын билиһиннэрэр сыаллаах быыстапканы тэрийэр. Уопсайа 60 экспонаты көрдөрө, билиһиннэрэ илтилэр.  Быыстапка сэтинньи 30 күнүгэр диэри үлэлиир. Түһүлгэҕэ хамаанда үлэтэ өрө көтөҕүллүүлээхтик саҕаланна.

Сиһилии түмэл дириэктэрэ Мария Корнилова кэпсиирин көрүҥ, истиҥ.

Хаартыскаларга быыстапкаҕа бэлэмнэнии түгэннэрин көрөҕүт.

0
0
Telegram @edersaas20