Дьокуускайга А.Е.Кулаковскай аатынан норуоттар доҕордоһууларын дьиэтигэр быыстапка арааһа ыытыллар үгэстээх.
Онон манна дьон-сэргэ үөрүүнэн сылдьар, сонуну, уратыны көрөн астынар. Бу да сырыыга, өрүү буоларын курдук, болҕомтону тардар «Винтаж» бэртээхэй быыстапка тэрилиннэ. Бу Саха сиригэр Ийэ сылынан кэллиэксийэньиэр Варвара Старостина-Абыйа быыстапката.
Варвара Капитоновна — СӨ култууратын үтүөлээх үлэһитэ, үлэ бэтэрээнэ, «Саха сирин кэллиэксийэньиэрдэрэ» РОО чилиэнэ. «Кэллиэксийэни сайыннарыыга кылаатын иһин» бэлиэнэн наҕараадаламмыта.
Кэллиэскийэтин тиэмэтэ: сүүтүктэр араастара, күөх таастан иһиттэр, дельфиннэр, сөрүүкүүр дэйбиирдэр (веердэр), духуулар ураты быһыылаах иһиттэрэ, айылҕа таастарыттан киэргэллэр уонна камея — киэргэллэр бааллар. Киһи сөҕө, хайгыы, кэрэхсии көрөр. Кэлиҥ, сылдьык, ыалдьыттааҥ.
Быыстапка норуоттар доҕордоһууларын дьиэтин фойетыгар бу ый устатыгар турар диэн пресс-сулууспа иһитиннэрэр.
Хаартыскаларга Айталина Аргунова түһэриилэрэ