А.Е.Кулаковскай аатынан норуоттар доҕордоһууларын дьиэтэ Хотугу форум далааһыннаах тэрээһин иитинэн быыстапка тэрийдэ.
«Арассыыйа — мин историям» историческай пааркаҕа А.Е.Кулаковскай аатынан норуоттар доҕордоһууларын дьиэтэ «Мир Арктики»: национальная одежда, женские украшения, домашняя утварь, предметы традиционного хозяйствования и сувениры, демонстрирующие богатство северной природы и уникальное самобытное искусство северян» быыстапканы үрдүк таһымнаахтык тэрийэн ыытта.
Маны сэргэ, ыалдьыттары эбээн култууратын тарҕатар Максим Дуткин хабарҕа ырыатын толорон көрүстэ. Норуоттар доҕордоһууларын дьиэтин айар кэлэктииптэрин «Хэглэн», «Гиркилэн», «Аяврина», РЭКЦ-18 бөлөх АГИКИ 4 кууруһун устудьуоннарын, «Русскай Устье» уопсастыбаннай организация бэрэстэбиитэллэрин эҕэрдэлэрин, ырыаларын-үҥкүүлэрин ыалдьыттар сөҕө-хайгыы көрдүлэр. Долгутуулаах күн «Ода жизни» театрализованнай көрдөрүүнэн түмүктэннэ.
Хотугу форумҥа тематическай сиэксийэлэр, төгүрүк остуоллар, презентациялар, лиэксийэлэр, форсайт-сессиялар, маастар-кылаастар, быыстапкалар, о.д.а. ситиһиилээхтик тэрилиннилэр.
А.Е.Кулаковскай аатынан норуоттар доҕордоһууларын дьиэтин пресс-сулууспата