Тыа хаһаайыстыбатын министиэристибэтин тэрээһининэн, сылын ахсын ыытыллар өрөспүүбүлүкэтээҕи ас-үөл быыстапка-дьаарбаҥката бэҕэһээ саҕаламмыта. Бу үс күн устата «Сайсары» Бааһынай ырыынагар, Хомсомуол болуоссатыгар араас улуустартан, ол иһигэр Анаабыртан, Өлөөнтөн саҕалаан, Тополинайтан тиийэ кэлбит тыа хаһаайыстыбатын табаарын оҥорооччулар бэйэлэрин бородууксуйаларын аҕаланнар атыылыыллар. Быыстапканы көрө-истэ кэлбит дьоҥҥо анаан улуустар дэлэгээссийэлэрин, АПК тэрилтэлэрин үлэһиттэрин итиэннэ эстрада сулустарын уус-уран кэнсиэртэрэ, асчыттар маастар-кылаастара, көрдөөх күрэхтэһиилэр тиһигин быспакка ыытыллаллар.
Быыстапка-дьаарбаҥка үс күннээх үлэтин түмүгэ сарсын таһаарыллыаҕа. Үгэс курдук, көрүҥнэринэн ханнык хаһаайыстыбалар бастаабыттара биллиэҕэ, төһө киһи кыттыбыта, төһө суумалаах ас-үөл батарыллыбыта барыта быһаарыллыаҕа.
Сыанаҕа – Анаабыр улууһун дэлэгээссийэтэ
Ытык ыалдьыт бастакы Бэрэсидьиэн Михаил Николаев
«Тумул» кэпэрэтиип үүннэрбит бурдугунан ас арааһын астаан аҕалбыт
Нөмүгү уола Арамаан алаадьы астаан сырылатар
Собо киилэтэ 200 солкуобай!
Эт талбыта манна
Хоту дойду балыгар атыылаһааччы кэмэ суох
Раиса Сибирякова, «Саха сирэ» edersaas.ru.