Култуура

«Поэзия стекла» быыстапка

А.Е.Кулаковскай аатынан норуоттар доҕордоһууларын дьиэтигэр «Поэзия стекла» быыстапка саҕаланна.

Экспозициялары «Народный музей Якутии» култуура чааһынай тэрилтэтиттэн (салайааччы Майя Аркадьевна Мордовская) уонна Анна Александровна Маркова тус кэллиэксийэтиттэн дьоҥҥо-сэргэҕэ көрдөрө аҕалбыттар. Бу туһунан А.Е.Кулаковскай аатынан норуоттар доҕордоһууларын дьиэтин пресс-сулууспатыттан иһитиннэрэллэр.

Манна Дьокуускайга таас иһит собуотун, өрөбөлүүссүйэ иннинээҕи уонна Сэбиэскэй кэмҥэ оҥоһуллубут таас иһиттэр, киэргэллэр бааллар. Таас иһит, киэргэл оҥоһуута хайдах уларыйан, тупсан, сайдан испитэ көстөр. Быыстапка норуоттар доҕордоһууларын дьиэтигэр (1 мэндиэмэн, уҥа фойе, киирии босхо) сайын устатыгар ыытыллар.

 

1
0
Telegram Whatsapp