Быйыл быыбар кэмигэр уопсастыбаннай хонтуруолу күүһүрдүөхтэрэ. Уопсастыбаннай палаата салайааччыта Николай Бугаев этэринэн, быыбар хаамыытын кэтээн көрөргө ким баҕарар кыттыан сөп.
«Бу саас быыбар иннинэ бары улуустарга сылдьан кэтээн көрөр дьону кытары үлэлээбиппит. Муус устарга кинилэргэ анаан үөрэх ыыппыппыт. Билиҥҥи туругунан, өрөспүүбүлүкэ үрдүнэн быыбар хаамыытын кэтээн көрөр 1800 киһи баар. Ону таһынан улуустарга, куораттарга уопсастыбаннай палаата ыстаабыгар кэлэн кэтээн көрөөччүнэн киирэргэ дьон суруйтара тураллар», — диэн бэлиэтиир Николай Дмитриевич.
Николай Бугаев бэлиэтииринэн, быыбар хаамыытын кэтээн көрөөччүнэн ким баҕарар буолуон сөп. «Уопсастыбаннай кэтээн көрөөччү баартыйаттан тутулуга суох киһи буолуохтаах. Быыбары ыытыы кэмигэр туох да алҕас тахсыбатын кырдьыгынан, туох баарынан көрдөрүөхтээх», — диэн этэр кини.
Аграфена КУЗЬМИНА, «Саха сирэ» хаһыат.
+1
+1
+1
+1
+1
+1
+1