БЫЫБАР-2017: Хамыыһыйа чилиэннэрэ быыбардыыр учаастактары бэрэбиэркэлээтилэр
Бу күннэргэ быыбар ыытыллар улуустарын уонна куораттарын ахсын быыбар хамыыһыйатын чилиэннэрэ быыбардыыр учаастактар төһө бэлэмнээхтэрин билистилэр.
edersaas.ru
Балаҕан ыйын 7-8 күннэригэр өрөспүүбүлүкэ Киин быыбардыыр хамыыһыйатын солбуйааччы бэрэссэдээтэллэрэ Иван Андросов, Александр Власов, Ирина Конакова уонна Киин быыбардыыр хамыыһыйа сэкиритээрэ Эльвира Мярикянова, Киин быыбардыыр хамыыһыйа чилиэнэ Денис Седушков аппараат үлэһиттэрин кытары Дьокуускай куорат аҕыс быыбардыыр учаастагар сырыттылар. Бэрэбиэркэ түмүгэ көрдөрбүтүнэн, быыбардыыр учаастактар балаҕан ыйын 10 күнүгэр быыбардааччылары көрсөргө бары бэлэм эбиттэр. Быыбардааччыларга бу ураты суолталаах сабыытыйа буоларын быһаарар-сырдатар анал муннуктар, истиэндэлэр оҥоһуллубуттар, быыбардыырга киэҥ саала бэлэмнэммит, учаастактар ирдэнэр методическай литературанан уонна судаарыстыбаннай символиканан толору хааччыллыбыттар. Ону таһынан, куттал суох буолуутун дьаһаллара тумнуллубатах.
Раиса Сибирякова, “Саха сирэ” хаһыат, edersaas.ru