Бүгүн, балаҕан ыйын 18 күнүгэр, Госдуума быыбарыгар Саха сирин быыбардааччытын 23,34 %-на куоластаата. Бу туһунан брифиҥҥэ Киин быыбардыыр хамыыһыйа бэрэссэдээтэлин солбуйааччы Александр Власов иһитиннэрдэ.
Ол курдук, бүгүн күнүс 15:00 чаастааҕы дааннайынан, Саха сиригэр 154 тыһыынча кэриҥэ киһи быыбарга кыттыбыта биллэр.
«Хоту оройуоннар быыбардааччылара көхтөөхтөр. Ордук Анаабыр оройуонун олохтоохторо куоластыыллар — 47%. Итиэннэ Абыйга, Булуҥҥа, Өлөөҥҥө быыбарга кыттыы бырыһыана эмиэ үрдүк», — диэн Александр Власов этэр.
Быыбардыыр учаастактарга туох баар санитарнай ирдэбиллэри тутуһалларын туһунан бэрэссэдээтэли солбуйааччы эбэн эттэ.
СИА хаартыската.
+1
+1
+1
+1
+1
+1
+1