Аныгы технологиялар көмөлөрүнэн билигин куоластааһын дьэҥкир уонна тутулуга суох буолла.
edersaas.ru
Бүтүн Арассыйатааҕы быыбар биир кэлим күнүгэр Саха Өрөспүүбүлүкэтигэр видеотрансляция 35 территориятааҕы быыбардыыр хамыыһыйаҕа итиэннэ 277 быыбардыыр учаастакка үлэлиэҕэ. Атын учаастактарга видеофиксация (видеозапись) оҥоһуллуоҕа. Онон, аныгы технологиялар көмөлөрүнэн куоластааһын дьэҥкир уонна тутулуга суох буолла, туох эмит кэһии таҕыста да, тута уопсастыбаннас билиитигэр таһаарыллан, суһал дьаһал ылыллан иһиэхтээх.
Быыбар Дьокуускайга хайдах баран иһэрин көрүөн баҕалаах дьоҥҥо анаан Курашов уул. 24 №-гэр, быыбары кэтээн көрүү Уопсастыбаннай ыстаабын баазатыгар Кэтээн көрүү уопсастыбаннай пууна үлэлиэҕэ. Быыбардыыр учаастактар үлэлэрин быһа көрдөрөр алта экраан туруоруллуоҕа. Манна баартыйалар, хандьыдааттар бэрэстэбиитэллэрэ, кэтээн көрөөччүлэр уонна иһитиннэрэр-биллэрэр маассабай сириэстибэ үлэһиттэрэ кэлэннэр, быыбар хаамыытын билсиэхтэрин сөп. Кэтээн көрүү уопсастыбаннай пууна быыбардыыр учаастактары кытары биир тэҥҥэ балаҕан ыйын 17 күнүгэр сарсыарда 8.00 чаастан аһыллыахтара.
Раиса Сибирякова, «Саха сирэ» edersaas.ru