Быыбардыыр учаастактарга ис дьыала уорганнарын уонна Росгвардия управлениетын полицейскайдара дьуһуурунайдаатылар.
Өрөспүүбүлүкэ үрдүнэн быыбар хампаанньатын кэмигэр уопсастыбаннай бэрээдэги араҥаччылааһыҥҥа 1900 полицейскай кытынна. Дьокуускай куоракка — 207.
Маныаха бэлиэтээн эттэххэ, полиция нэрээттэрэ быыбардыыр учаастактарга сулууспаларын икки суукка инниттэн, ол эбэтэр, балаҕан ыйын 7 күнүттэн саҕалаабыттара.
Учаастактар аттынааҕы эбийиэктэри, дьиэлэри террористическай дьайыылартан сэрэтэр, бэрэбиэркэлиир үлэ эрдэттэн уонна кинологтар кыттыылаах ыытыллыбыт.
Быыбар күнүгэр уопсастыбаннай бэрээдэги кэһии чахчыта тахсыбатах.
Бу туһунан СӨ Ис дьыалаҕа министиэристибэтин уонна РФ Росгвардияҕа управлениетын пресс-сулууспалара иһитиннэрдилэр.
Биһиги корр., «Саха сирэ» хаһыат, edersaas.ru
Хаартыска: интэриниэттэн.