Быыбар чугаһаата, “ньыгыллар” хандьыдаат көрдүүллэр...
Олох-дьаһах

Быыбар чугаһаата, “ньыгыллар” хандьыдаат көрдүүллэр

Саха сиригэр 2017 сыл балаҕан ыйын 10 күнүгэр буолар быыбардарга “Биир ньыгыл Арассыыйа” баартыйа аатыттан кыттыан баҕалаахтартан докумуону тутуу салҕанар.

Роман Попов, «Саха сирэ» хаһыат, www.edersaas.ru

Аны күһүн ыытыллар сүрүн быыбардарга баартыйа хандьыдааттарын быһаарыыга барыллаан куоластааһын муус устар 9 күнүгэр буолара былааннанар. Оттон Дьокуускай куорат баһылыгын праймериһа Бүттүүн Арассыыйатааҕы быыбар биир күнүгэр – ыам ыйын 28 күнүгэр буолуоҕа.

Олохтоох салайыныы уорганнарыгар барыллаан куоластааһыҥҥа кыттыан баҕалаахтар кулун тутар 31 күнүгэр диэри улуустардааҕы тэрийэр кэмитиэттэргэ сайабылыанньаларын туттарыахтаахтар. Сиһилии баартыйа олохтоох тэрилтэлэригэр быһааран биэриэхтэрэ.

Дьокуускай куорат баһылыгын барыллаан куоластааһыныгар сайаапкалар муус устар 27 күнүн киллэрэн туран үлэ чааһыгар маннык аадарыска ылыллаллар: Дьокуускай, Аммосов уулуссатын 18 №-рэ, 4/4 хос. Төлөпүөнэ: 421-421.

Барыллаан ааҕыынан, 2017 сыл балаҕан ыйын 10 күнүгэр өрөспүүбүлүкэҕэ 8 улуус, Дьокуускай куорат баһылыктарын, 217 нэһилиэк баһылыгын, 110 улуустааҕы, 3 145 нэһилиэктэрдээҕи сэбиэттэр дьокутааттарын талыахпыт.

Барыллаан куоластааһыҥҥа баартыйата суох, урут сууттана сылдьыбатах ким баҕалаах барыта кыттыан син. Онно дьон-сэргэ элбэх куолаһын ылбыт “Биир ньыгыл Арассыыйа” баартыйа аатыттан сүрүн быыбардарга кыттар быраабы ылыаҕа.

Барыллаан куоластааһыны ыытыы балаһыанньатын, регламенын pg.er.ru сайтка киирэн билсиэххитин сөп.

Роман Попов, «Саха сирэ» хаһыат, www.edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

два × три =