Саха сиригэр Госдуума быыбара этэҥҥэ бара турар, кэһии бэлиэтэммэтэ диэн бүгүн 12 чаастааҕы брифиҥҥэ Киин быыбардыыр хамыыһыйа бэрэссэдээтэлин солбуйааччы Ирина Конакова иһитиннэрдэ.
— Саха сиригэр бу чааска быыбарга кыттыы — 35%. Ол аата 231 646 киһи куоластаата. Ордук көхтөөхтүк хоту оройуоннар кытталлар. Холобура, Анаабыр оройуонугар 60% олохтоох быыбардаата.
Маны таһынан өрөспүүбүлүкэбит кыра сэлиэнньэлэрин олохтоохторо сүүс бырыһыан бары кытыннылар. Уус Алдан улууһун Курбуһах нэһилиэгин Балаҕаннааҕын бэлиэтээн этэбин, — диэн бэрэссэдээтэли солбуйааччы эттэ.
Ирина Конакова брифиҥҥэ 2016 сыллаахха ыытыллыбыт Госдуума быыбарыгар Саха сирин быыбардааччытын 48 %-на кыттыбытын санатта.
+1
+1
+1
+1
+1
+1
+1