Олунньу 15 күнүттэн саҕалаан “Якутия” типография РФ бэрэсидьиэнин быыбарыгар бүлүтүөнү бэчээттиирин саҕалаата. Барыта 628496 бүлүтүөн бэчээттэниллиэхтээх.
edersaas.ru
Быыбар киин хамыыһыйата иһитиннэрбитинэн, бүлүтүөннэри бэчээттээһин икки түһүмэҕинэн барыаҕа. Бастаан 450 тыһыынчаны бэчээттиэхтэрэ. Бу тахсыбыт бүлүтүөннэр улуустарынан тарҕаныахтара. Оттон хаалбыт 180 тыһыынча Дьокуускай куорат быыбардааччыларыгар ананыаҕа. Итилэри типография олунньу 28 күнүгэр диэри бэчээттээн бүтэриэҕэ.
Типография бүлүтүөнү таһынан быыбар хамыыһыйатыгар туттуллар блокноттары, плакаттары, брошюралары, боротокуоллары, быыбардааччыларга анаммыт ыҥырыылары бэчээттиир.
Санатан эттэххэ, бүлүтүөҥҥэ аҕыс хандьыдаат аата киирдэ. Олунньу 17 күнүттэн информацияны киэҥник тарҕатар сириэситибэлэргэ хандьыдааттар аҕытаассыйаларын саҕалаабыттара.
Аграфена КУЗЬМИНА, “Саха сирэ” хаһыат, edersaas.ru