Сарсын, Быыбар күнүгэр, өрөспүүбүлүкэ бары быыбардыыр учаастактарыгар араас ис хоһоонноох тэрээһиннэр буолуохтара.
edersaas.ru
Ол курдук, Томпо улууһун нэһилиэктэригэр уус-уран оҥоһуктар быыстапкалары, кэнсиэрдэри таһынан, нэһилиэктэр быыбардыыр учаастактарыгар быыбардааччылар киэн туттар биир дойдулаахтарын туһунан анал истиэндэлэртэн билсиэхтэрэ. Өймөкөөн улууһун киинигэр Уус-Ньараҕа Быыбар күнүгэр ыаллыы Магадаан уобалаһын табаары оҥорооччулара бэйэлэрин бородууксуйаларын дьаарбаҥкатын тэрийиэхтэрэ. Быыбардыыр учаастактарынан сылдьан, национальнай общиналар «Эбээ сундууга» диэн уус-уран айар киэһэни бэлэхтиэхтэрэ, «Биһиги эбээлэрбит куукулалара» диэн быыстапкалары тэрийиэхтэрэ. Эбээн Бытантай улууһугар»Арассыыйа кэскилэ» диэн хаартыска быыстапката буолуоҕа.
Ити курдук, бары хоту улуустарга араас быыстапкалар, атыы дьаарбаҥкалара, кэнсиэрдэр быыбардааччыларга бырааһынньык настырыанньатын бэлэхтиэхтэрэ, дьон сүргэтин көтөҕүөхтэрэ.
Елена ПОТОЦКАЯ, «Саха сирэ» хаһыат, edersaas.ru
Хаартыска — интернеттэн.