Бэлиитикэ Сүрүн

Быыбар-21: Мааскалар уонна металлодетектордар

Бүтүн Арассыыйатааҕы биир кэлим быыбар күнэ үс күн, балаҕан ыйын 17-19 күннэригэр, ыытыллар.

Ити быыбардыыр учаастактарга элбэх киһи тоҕуоруһуутун таһаарбат, дьон бэйэлэригэр табыгастаах кэмҥэ кэлэн куоластыылларын хааччыйар. Быыбардыыр учаастактар уонна онно туттуллар тэриллэр кэмиттэн кэмигэр дезинфикцияланыахтара, быыбардыы кэлбиттэргэ мааскалар, перчаткалар бэриллиэхтэрэ, санитарнай тэйиччини тутуһуу ирдэниэ. Өрөспүүбүлүэктээҕи Киин быыбардыыр хамыыһыйа быыбарга кыттааччылары (быыбардыыр хамыыһыйалар чилиэннэрин уонна быыбардаачылары) харыстанар тэриллэринэн хааччыйыыны саҕалаата.

Хаһыат ааҕааччылара 2018 сыллаахха өрөспүүбүлүкэ быыбардыыр учаастактарыгар металлодетектордар туттуллубуттарын туһунан истибит уонна куорат сорох быыбардааччылара ону көрбүт буолуохтаахтар. Быыбар бүппүтүн кэнниттэн ол тэриллэр дьаһал быһыытынан, үөрэх тэрилтэлэригэр бэриллибиттэрэ. Быйыл быыбардыыр учаастактар стационарнай металлодетектордарынан сэбилэниэхтэрэ. Бастакы баартыйа 29 стационарнай металлодетектор балаҕан ыйын 1 күнүгэр диэри аҕалыллан, Дьокуускай куорат быыбардыыр учаастактарыгар тиэрдиллиэхтэрэ. Быйылгы сыл бүтүөр диэри өссө 203 металлодетектор аҕалыллыаҕа.

Раиса Сибирякова, «Саха сирэ» хаһыат, edersaas.ru

0
0