От ыйын 6 күнүгэр Арассыыйа эдэр политологтарын III Форумун чэрчитинэн «Быыбардааһын саҥа киэптэрэ: быыбар ситимин билиҥҥитэ уонна кэнэҕэскитэ» диэн дискуссионнай кулууп тэриллибитэ.
Онно дойду Киин быыбарыыр хамыыһыйатын бэрэссэдээтэлэ Элла Памфилова Арассыыйа билиҥҥи быыбардыыр ситимэ дойду бары гражданнарын интэриэстэрин көмүскүүрүн туһунан эттэ:
— Биһиэхэ быыбардар быыбардааччыны барытын хабан ыытыллаллар уонна улахан күрэстэһиилээх буолаллар, холобур быйылгы быыбарга 32 баартыйа кыттар. Сыллата кэтээн көрөөччүлэр ахсааннара элбээн, хаачыстыбалара тупсан иһэр. Кэтээн көрөөччүлэринэн баартыйатыттан тутулуга суох, ханнык баҕарар гражданин буолуон сөп. Чуолаан бу кинилэр гражданскай уопсастыба интэриэһин көмүскүүллэр, гражданнар быыбардыыр бырааптарын араҥаччылыыллар, ити иһин биһиги бары быыбардыыр учаастактарга кэтээн көрөөччүлэр үлэлиилэригэр интэриэстээхпит. Аныгы технологиялар көмөлөрүнэн билигин куоластааһын дьэҥкир, тутулуга суох буолла, туох эмит кэһии таҕыста да, тута уопсастыбаннас билиитигэр таһаарыллан, суһал дьаһал ылыллан иһэр. Биһиги сүрүн чорботор соруктарбыт: пандемия кэмигэр куттал суох буолуута уонна легитимность.
Раиса Сибирякова, «Саха сирэ» хаһыат, edersaas.ru