Бүгүн өрөспүүбүлүкэбитигэр сарсыарда аҕыс чаастан 228 быыбардыыр хампаанньа үлэлии турар. Киин быыбардыыр хамыыһыйаттан 15:00 чаастааҕы дааннайдар кэллилэр.
Ол курдук, Дьокуускай куорат Киин уокуругар дьокутаат быыбарыгар 18,19 % киһи кытынна. Манна регистрациялаах 8 943 киһиттэн 1 327 киһитэ куолаһын биэрбитэ биллэр.
Оттон Хаҥалас улууһун баһылыгын быыбарыгар билиҥҥитэ 29,73 % киһи куоластаата. Улуус үрдүнэн 22 751 куоластааччы олорор, онтон 6 763 киһи быыбарга номнуо кытынна. Ол иһигэр 1 670 киһи болдьох иннинэ куоластарын бирэбитэ биллэр.
Сунтаар улууһун баһылыгын быыбарыгар 6346 (37,77 %) киһи кытынна. Улууска 16 800 быыбардааччы баар.
Амма улууһун баһылыгын быыбарыгар 6 079 (52,26 %) киһи кытынна. Испииһэккэ улуус үрдүнэн 11 633 быыбардааччы баар.
Бу үс улууска баһылык быыбара буола турар. Маны сэргэ 103 нэһилиэккэ — баһылык, 6 оройуоҥҥа уонна 116 нэһилиэккэ — дьокутаат.
Быыбардыыр учаастактар 20:00 чааска сабыллаллар.
edersaas.ru