Балаҕан ыйын 13 күнэ – Бүтүн Арассыыйатааҕы быыбар күнэ.
edersaas.ru
Бу күн Арассыыйа Федерациятыгар 17 субъект (Коми, Чуваш, Татарстан өрөспүүбүлүкэлэрин уонна 14 кыраай, уобалас) баһылыктара итиэннэ 11 субъект бэрэстэбиитэллээх уорганын дьокутааттара талыллаллар.
Саха Өрөспүүбүлүкэтигэр быыбар муниципалитеттар таһымнарынан ыытыллар. Ол курдук, үс улуус (Амма, Сунтаар уонна Хаҥалас) баһылыктара, 105 поселение (5 улуус киинин, 100 нэһилиэк) дьаһалтатын баһылыктара, биэс улуус Мунньаҕын, 118 нэһилиэк сэбиэтин дьокутааттара итиэннэ Дьокуускай куорат биир мандааттаах 7 №-дээх Киин быыбардыыр уокуругуттан куорат Дууматын дьокутаата талыллыахтара. Хандьыдааттары регистрациялааһын атырдьах ыйын 22 күнүнэн түмүктэннэ.
Раиса Сибирякова, «Саха сирэ» edersaas.ru