Бытантай табаһыта — сайдыы тосхолун резиденэ

Ааптар: 
Бөлөххө киир:

Бу күннэргэ Арктика сайдыытыгар туһуламмыт сүрүн тохсолу   ырытыы, кэпсэтии бара турар.

edersaas.ru

Арктика улуустарын сайдыытыгар туһуламмыт Стратегияны дьүүлэһиигэ, биллэн турар, билигин ыстаадаҕа үлэлии сылдьар табаһыттан ордук ким олохтоохтук ырытыай уонна санаатын этиэй?

Эбээн Бытантай улууһун Кустуур нэһилиэгин олохтооҕо Альберт Колесов – үрдүк үөрэхтээх физкультура учуутала. Кини «Кочевник» диэн родовой община салайааччыта. 11-с сылын 3 тыһыынчаттан тахса табаны көрөр 23 үлэһиттээх икки ыстааданы салайар.  Кини бу күннэргэ киин куоракка хаһаайыстыбатын түбүгүн быһаарса  таарыйа Арктика минстиэристибэтигэр суолталаах  боппуруоһу ырытыһа сылдьар.

       — Билигин Стратегиянан сибээстээн, миигин бу докумуону олоххо киллэриигэ резидент быһыытынан бэлэмнээри ыҥырбыттара. Ол эбэтэр мин хаһаайыстыбабар бастакы саҕалааһын (апробация) үөрэтиллиэҕэ.    Бу тустаах министиэристибэ үлэһиттэрин бэйэлэрин толкуйдара. Ким хайдах үлэлиирэ, дьаһанара кинилэр харахтарын далыгар буоллаҕа. Онон көрө сылдьан, бу киһи хаһаайыстыбата ылсыан сөп дии санаатахтара. Уопсайынан, Артика министиэристибэтэ туспа тэриллибитэ олус бэрт. Биир халыыпка киирбэккэ, туспа чөкөтүк сайдарбыт наада. Министиэристибэҕэ эдэр, саҥалыы көрүүлээх ыччаттар кэлбиттэрэ биллэр. Онон кинилэргэ эрэл улахан, — диэн санаатын үллэстэр Эбээн Бытантантайтан сылдьар ролдовой община салайааччыта.

Альберт Колесов табаһыттар олохторун сайыннарыыга кэскиллээх көрүүлэрин сиһилии «Саха сирэ» хаһыат  тахсаары турар чэппиэрдээҕи нүөмэригэр ааҕыҥ.

Елена ПОТОЦКАЯ, «Cаха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0